Nachdem mir bis im Juni hend müesse uf en Entscheid vom Kanton warte, bezüglich Hochwasserschutzmassnahme wo sie eus uferleit hend, hend mir denn endlich chönne richtig plane und Afange organisiere. Jetzt hets gheisse, schliefe, sage, bohre und ganz viel male und montiere. D`Baumstämm sind bracht worde, de Kaffiwage het Strom übercho und erstrahlt vo usse imene neue Kleid! Pumpi isch au scho acho, ganz viel Holz glieferet worde und d`Matschchuchi isch zämebaut. Mir hoffet fest, das mir euch bald dörfet d`Fertigstellig und Eröffnig vom Spielplatz WATTeburg bekannt geh, wo durch euchi Unterstützig möglich gmacht worde isch:-)

De absoluti Hammer, eusi Quitschente het Bestziit erreicht und isch überglücklich am Ziel acho! Ihr sind eusi Helde und jetzt hoffe mer dass es genau so schnell chan wiitergah. Da defür nehmet mir jetzt d`Fahrt uf, organisieret und koordinieret, damit mir bald chönd afange euses Herzensprojekt umsetze. Es riesigs Dankeschön a alli wo eus unterstützet und dere Ente de nötigi Schups geh hend, damit sie Ziellinie so schnell erreicht het!! Liebi Grüess us Watt

Unsere Badeente schwimmt überraschend schnell auf die Ziellinie zu, so das wir hoffentlich bald das Finanzierungsziel erreichen werden. Überwältigend was für eine Unterstützung wir bereits in dieser kurzen Zeit erfahren durften!! Ihr seid echte Helden und wir möchten Euch von Herzen DANKE sagen das Ihr ein Teil unseres Projekts seid! Jetzt heisst es: Badeente weiter anfeuern, so dass sie noch weitere Fans gewinnen wird!! Liebe Grüsse vom Projekt WATTeburg