Cronica 100 onns musica da Vignogn

La fiasta da giubileum – 100 onns Societad da musica da Vignogn – previda il matg 2020 ha stuiu vegnir spustada muort il virus da corona. Per buca schar mitschar igl onn da giubileum senza sun e tun ha la Societad da musica da Vignogn tratg tut ils registers per publicar la historia da ses 100 onns. Ils 3 da december 2020 han ils responsabels saviu presentar la cronica alla publicitad. Il datum elegius per la presentaziun ha ina muntada historica. Gest avon 100 onns e sis meins, dalla fiasta da Sontgilcrest, ils 3 da zercladur 1920, ha la cumpagnia da mats da Vignogn priu l’iniziativa da fundar ina societad da musica. Sco els ein ir avon per realisar quella visiun san ins leger ella cronica, gie schizun il protocol da fundaziun ei d’anflar en quella resumaziun extendida.

Ils auturs dalla cronica, Robert Casanova e Serafin Derungs, ein s’engaschai duront decennis per la Societad da musica da Vignogn. Ord lur liunga experienza sco musicants, dirigent d’honur e president d‘honur han els saviu recaltgar nundumbreivlas remeniscenzas. Denton han els buca tralaschau da sfegliar en archivs e gasettas per cumpletar quei document. Sin 140 paginas porscha la cronica ina resumaziun cronologica dalla historia dalla musica da Vignogn. Ella ei enrihida cun biaras fotografias e recensiuns ord diversas publicaziuns. Concerts cun teater han giu gronda tradiziun a Vignogn e vegnan documentai minuziusamein ella cronica.

Quella ediziun cuort avon Nadal ei forsa in present beinvegniu per tut ils amitgs, adherents, anteriuras musicantas e musicants dalla Societad da musica da Vignogn. Forsa selegrass bein l’in ni l’auter dad anflar la cronica sco regal da Nadal sut il pigniel.

Emissiun da Telesguard pertuccont la presentaziun dalla cronica: https://www.rtr.ch/play/tv/telesguard/video/ina-cronica-da-100-onns-da-la-societad-da-musica-da-vignogn?urn=urn:rtr:video:3d3d5b59-39ea-4590-8049-4a3a12a23c07

Chronik 100 Jahre Musikgesellschaft Vignogn

Das Jubiläumsfest - 100 Jahre Musikgesellschaft Vignogn - welches im Mai 2020 geplant war musste wegen dem Coronavirus verschoben werden. Um das Jahr nicht ohne Ton und Klang vorbeiziehen zu lassen hat die Musikgesellschaft Vignogn alle Register gezogen um ihre hundertjährige Geschichte zu veröffentlichen. Am dritten Dezember konnten die Verantwortlichen die Chronik der öffentlichkeit präsentieren. Das gewählte Datum hat eine historische Bedeutung. Genau for 100 Jahren und sechs Monaten, an Fronleichnam den dritten Juni 1920, hat die Knabenschaft Vignogn die Iniziative ergriffen eine Musikgesellschaft zu gründen. Wie sie vorgegangen sind um diese Vision umzusetzen kann man in der Chronik nachlesen, ja sogar das Gründungsprotokoll ist in dieser umfangreichen Fassung zu finden.

Die Autoren der Chronik, Robert Casanova und Serafin Derungs, haben sich während Jahrzenten für die Musikgesellschaft Vignogn eingesetzt. Aus ihrer langjährigen Erfahrung als Musikanten, Ehrendirigent und Ehrenpresident konnten sie unzählige Ereignisse einbringen. Hingegen liessen sie es sich nicht nehmen, in Archiven und Zeitungen zu blättern um dieses Dokument zu vervollständigen. Die Chronik bietet auf 140 Seiten eine chronologische Zusammenfassung der Geschichte der Musikgesellschaft Vignogn. Sie ist mit vielen Fotografien und Rezensionen aus diversen Publikationen bereichert. Concerte mit Theater hatten eine grosse Tradition in Vignogn und werden ausführlich dokumentiert.

Diese Ausgabe ist für Freunde, Anhänger, ehemalige Musikantinnen und Musikanten der Musikgesellschaft Vignogn vielleicht ein wilkommenes Geschenk kurz vor Weihnachten. Vielleicht würde sich manch einer freuen die Chronik als Geschenk unter dem Weihnachtsbaum zu finden.

Empustaziun dalla cronica

La cronica da 100 onns Societad da musica da Vignogn san ins empustar per email a medias@musicavignogn.ch, per telefon sut la numera 077 452 41 28 ni sur la pagina dad internet https://vignogn2020.ch/cronica/empustaziun_dalla_cronica__bestellung_der_chronik In exemplar cuosta CHF 25.

Bestellung der Chronik

Die Chronik 100 Jahre Musikgesellschaft Vignogn kann per Email an medias@musicavignogn.ch, telefonisch under der Nummer 077 452 41 28 oder über der Webseite https://vignogn2020.ch/cronica/empustaziun_dalla_cronica__bestellung_der_chronik bestellt werden. Ein Exemplar kostet CHF 25.